Hamını salamlayıram. Ümid edirəm gününz gözəl keçir. Bakı metrosunun hələ də tamamilə yeni tipli qatarlara keçməməsinin səbəbini tapmaqda çətinlik çəkirəm. Niyə Neft ölkəsi sovetin vaxtından qalma qatarlardan hələ də istifadə etsin ki? Vəziyyət daha da kritik nöqtəyə onda çatır ki, insan sayı Bakıda həddindən artıq çoxdur və qatarlar bəzən 5-7 dəqiqə fasilə ilə gəlir, hansı ki başqa bir biyabırçılıqdır. Məni düzgün başa düşün, metro mənim ən favorit nəqliyyat növüdü. Adətən 10 dəqiqə yürüyüş ilə Xalqlar Dostluğu metro stansiyasına yürüyüşdən sonra şəhərin mərkəzinə yola düşürəm, qısa bir zamanda diqqətinizə çatdırım, bunun da səbəbi odur ki, qatar avtobus kimi hər 1-2 dəqiqədən bir dayanmır. Amma metroda bas-a-bas a düşmək bəzən adamı çox yora bilir. Buna görə ilk öncə metro sisteminin inkişafını görmək istəyərdim ( yeni çox tutumlu qatarlar, qatarlar arası minimal interval 1-2 dəq. maksimum, yeni stansiyalar və kartla ödəmə). Bu postda fikirlərimi sizinlə bölüşmək istədim. Hər birinizi diskussiyaya dəvət edirəm.