Maligayang Pasko sa iyo.

Nitong nakakalipas na mga araw ay tila sinusubok ako ng pagkakataon. Kung kailan magpapasko, tsaka may mangyayaring bagay na mas makakapagpaalala sakin tungkol sayo. Anim na buwan na rin ang nakakalipas noong huli tayong nagkita, walong buwan na ang nakakalipas noong huli ako makatungtong sa inyong tahanan, sa iyong barangay. At ngayong pasko ako ay naririto sa ibang parte ng iyong barangay, nagdiriwang ng pasko, ang kaibahan lang ay hindi na tayo nag uusap pa. Natanaw ko kanina ang papasok sa inyong bahay noong papunta sa resort na aming pupuntahan, bumalik sakin ang mga alaala at ang katotohanan na minsan sa isang bahay sa barangay na ito ay nagsilbi rin aking tahanan at tinuring ako kabilang sa pamilya.

Gusto kitang batiin, gusto kong magreach out pero hindi ko magawa. Tingin ko kasi makakagulo lang ako sa mas payapa mo na mundo. Hiling ko lang sana na palagi mo alagaan ang sarili mo. Palagi kitang naiiisip at iniintindi. Hindi pa rin naman nagbabago ang pagmamahal ko sayo. Mas nangingibabaw nga lang ang takot na baka magkasakitan lang muli tayo.

Sanay na ako na wala ka pero alam kong kulang ang buhay ko nung nawala ka. Muli, Maligayang Pasko sayo Hiraya ko. Mahal na mahal kita.