Nakakaramdam pa rin ako ng pangungulila sa'yo. Gusto na kitang makasama.

Hanggang kailan pa ba aabutin ang lakbayin natin bago tayo pagtagpuin ng tadhana?

Sa ngayon, kasalukuyan akong nagpapahilom ng mga sugat kong natamo sa pag aakalang natagpuan na kita. Masakit man, wala akong pagsisisi. Alam kong kailangan ko itong tahakin dahil sa paniniwalang ito ang tamang daan patungo at papalapit pa sa'yo. Walang pag iinda kong haharapin lahat matagpuan lang kita, dahil mahal kita.

Oo, mahal kita.

Mahal na mahal kita.

Pinakamamahal kita.

Hinding hindi ko pagsasawaang sabihin at iparamdam ang aking pagmamahal dahil ako'y nandirito't nabubuhay, sa layunin na mahalin ka hanggang sa aking huling hininga.

Sa tinakdang panahon ng ating pagtatagpo, sisikapin kong punan ng aking buong pagmamahal ang mga panahon na wala pa ako sa iyong piling.