Baka sa ngayon kaya ka andito Para mahalin mo muna ang iyong sarili Mga katunangan na hindi mo masagot Baka sa ngayon hindi mo pa naririnig

Baka sa ngayon kaya ka nasasaktan Ay dahil kailangan mong mapagdaanan Mga pagsubok na sayo'y magpapatibay at bubuo Baka sa ngayon kailangan mo muna piliin ang sarili

Baka sa ngayon kaya magulo ang mundo Dahil mas pinipili natin unahin ang iba Na akala natin ay magpapasaya sa atin Baka sa ngayon kailangan mong malaman na ang totoong kasiyahan ay nagmumula sa iyong busilak na puso

Sa ngayon, itahan na ang iyong mga hikbi Mga matang sumasamo ng kasagutan sa iyong panalangin tuwing gabi Alam ko ang iyong puso ay napapagod at nasasaktan Pero sa ngayon, kumapit ka lang at lahat ay maiintindinhan mo rin

Kaya sa ngayon, lumaban ka lang, at lumaban ka pa Maaaring umiyak at magpahinga ngunit hindi susuko malaman ang katotohanan Ano nga ba ang dahilan ng lahat ng pangyayari Sa ngayon, manalig ka, lahat ng pag aalinlangan, katanungan, sakit, at pagod, ay mahahapo rin.