Nakaka-inis na ISO certification yan. Bakit ba nahumaling ang mga ahensya ng gobyerno diyan.

Dati, parang hanga ako sa mga ISO Certified na companies at government agencies. Pero nung naranasan pala namin mismo. Bwisit pala.

Ang nagbebenefit lang naman sa ISO Certification ay yung mga nasa taas. Pampa-pogi at ganda points nila. Pero kaming mga nasa baba, nadagdagan ng trabaho. Sobrang stressed na kami lalo na kapag audit season na. Aminado rin naman yung mga nasa taas, pero gusto lang talaga nila kaming pahirapan sa baba.

Tulad sa aming ahensya, mga services gusto nang ipa-ISO lahat. Dumadami ang papel na ginagamit at bumabagal ang proseso. Tapos maya't maya may pinababago. Masyadong maarte na. Counterproductive nga dahil dapat nga digital na lahat, pero hindi nangyayari.

May Commission on Audit naman para mag-audit sa government agencies. Sabi nga ng taga-COA, hindi lang paggasta ng gobyerno ang trabaho nila. Any process ng gobyerno inaaudit nila. So bakit kaya kailangan pa ng private company na mag-audit sa mga government agencies para sa ISO certification?

Ewan ko ba. Hindi na siguro matitigil ang ISO certification na 'yan dahil may directive na rin ang CSC. Ang mahal kaya ng bayad sa mga external auditors na magcecertify for ISO, like hundred thousand pesos. Pero budget sa office supplies para sa ISO na yan, kulang!