Okay na sana eh. Slowly bouncing back again. Nakapag-build na sana ako ng good habits tulad ng weekly cleaning ng unit ko, pag-practice ulit ng gitara, magkaroon ng regular workout sessions at magbasa ng libro. Natutunan ko na rin ulit mahalin ang sarili kong oras. Tatamaby sa cafe, kakain ng cravings mo at gagala mag-isa. Ika nga "glamorizing self-love".

Pero hindi ko alam kung saang parte ako natisod. Nag-relapse ako sa mga dati kong kinaugalian. Hindi na ulit ako kumakain nang sapat, nahinto ako sa pag-workout, hindi na ako nagbabasa ng libro at malimit na rin akong gumala mag-isa. Naging magastos din ako. Hindi ko na inintindi kung magkano magagastos ko basta ang mahalaga, napasaya ko ang sarili ko. Ito yata ang naging coping mechanism ko sa mga nangyayari sa akin. Nakakapagod din pala kasi yung gigising ka, papasok sa trabaho, uuwi, matutulog at ganon ulit kinabukasan.

Ang dami ko pa rin frustrations sa buhay. Pero sana manumbalik ulit ang galak sa aking mga mata. Sana matutunan ko ulit mahalin ang sarili ko. Gusto ko ulit gumising nang masaya.