Minsan kailangan nating iwan ang bagay bagay para sa growth natin. Minsan kasama doon yung mga taong mahalaga naman satin, pero hindi na natin masasama sa susunod na phase ng buhay natin.

Namimiss ko yung tawanan. Kwentuhan. Kulitan. Damayan. Hapag na pinagsaluhan. Aral ng lahat. Namimiss na kita, pero hindi ko pwedeng sabihin dahil umalis na ako. Kailangan eh. Para din ito sa growth nating dalawa. Nagtagpo tayo sa hindi inaasahang pagkakataon, at sa mga oras na iyon, hindi pa sapat ang pagkakaibigan para maghilom sa bagay bagay. Siguro nga minsan kailangan talaga ng bawat puno ang malayo sa bawat isa para tuluyang lumawak ang ugat. Marami pang bagay ang nagaantay sa atin, siguro ngayon, haharapin na natin ng magkahiwalay.

Naniniwala ako darating yung araw magkikita tayong muli at alam kong unang mga salitang masasabi ko ay proud ako sayo. Pagdarasal kita.

Magiingat ka sana palagi, crab boi.