Napagod sa pamamahinga

Sabi nila

'pag napapagod na

manahimik sumadali

at magpahinga.

Huminga ng malalim

Tumingin sa paligid

Tingnan ang magagandang bagay na mayroon ka

Pero 'di ba

Hindi rin laging nakatutulong

kahit na literal na mahiga at magkulong

Sa kwarto mo kung saan ka lagi nagsusumbong

Sa mga unan mo kung saan mo ibinubulong

Ang mga sigaw na ikaw lang ang nakaririnig

Ang mga ingay na ikaw lang ang nabibingi

Ang mga boses na hindi naman pamilyar

Pero bakit ang mga tinig na ito,

parang kilalang kilala nila ang buo mong pagkatao

Alam na alam nila ang kahinaan mo.

Alam na alam nila anong ayaw at gusto mo.

Alam na alam nila ang mga bagay na kayang sumira sayo.

Ang tanong...

Kapag nasira ka...

Sinong bubuo sayo?

Silang "nandiyan palagi para sa'yo"...

Maiintindihan ka kaya nila?

Ang mga bagay na ito

Sadyang lagi nalang nanggugulo

Tigilan nyo na sana ako...

Pagod na pagod na ako...

"Pagod ka na? Magpahinga ka muna..."

Talaga? Paano? Paano kung napagod lang ako... Napagod na ako, sa aking pamamahinga.