Bagong umaga, bagong pagbuklat ng mga pahina ng libro. Bagamat ang nakaraan ay di na natin mababago. Pero hayaan mo na itong tula ang magsilbing kwento. Sa kung papaano magsimula bagamat nakakatakot ang tinatawag nilang pagbabago.

Dati malala ginagawang almusal ang pangmamaliit. Ginagawang tanghalian ang pagsira sa isip na nagdudulot ng paninikip. Na kahit ilang beses manabik sa panibagong umaga Ay mas pinipili na lamang managinip. Kasi pagod na ako sa araw araw na paniniwala. Na balang araw ay may bagong umaga.

Kaya kaibigan di masama ang maging mabait sa kapwa Di natin alam ang pinagdadaanan niya. Kaya sa pagkakataong ito ang masasabi ko lang ay ganyan ang buhay. Minsan nasa taas, minsan nasa baba, pero magpatuloy lang at yan ang patunay. Na sa susunod na panahon ay magiging testimonya. Nang iyong pagangat at iyong pagkamit ng tinatawag na gantimpala.

PADAYON | sinulat ni: ScarletPhantom

THOUGHTS??