"Naririnig mo ba ang pagsusumamo ng munting bata?

Mayroon bang kirot sa'yong kaluluwa?

Sa bawat hagulhol at pagtangis,

Mga gawain ng nakatatandang nagmamalabis

Nakikita mo ba ang kaniyang kinabukasan?

Kung iyong ikukulong, ang bukas niya'y iyo nang pinakawalan

Mayroon pa kaya siyang kalayaan?

O binubuhay na lamang siya sa isang kasinungalingan?

Nararamdaman mo ba ang kaniyang haplos?

Mga haplos ng pagmamakaawang puno ng galos

Ang kaniyang mga tiniis na paltos

Nanggaling sa iligal at masamang kilos

Nais niyang mamuhay nang payapa

Isang edukado at malayang bata

Sino ba naman ang may karapatang hadlangan ito?

Hangaring dalisay ng supling ng mundo"

Ginawa ko ito noong 2019 para sa isang pagsusulit, sa kasagsagan ng kontrobersyang dulot ng panukalang ibaba ang minimum age of criminal responsibility.