من وانا صغير وانا عندى احتياجات عاطفية شديدة جداً. انا بصفة عامة شخص انطوائي جدا و ماليش معارف كتير. لما كنت في ثانوى عمرى ما فكرت اقرب من البنات و كنت بقول لازم اركز فى المذاكرة احسن. لما دخلت الكلية كان في بنت واحدة عجبانى جداً بس كل ما كنت باقرب منها بتبعد عنى. فى الاخر قررت اتقدم رسمى و سابت الموضوع معلق مع رفض تام لاى اقتراب منى (عرفت بعد سنين ان بنت المجنونة دى كانت عملالى "اختبار" عشان تشوفنى حافضل متمسك بيها و لا لأ)

بعد التخرج قعدت سنين وحيد تماماً. الاحتياج الجنسى كنت باشبعه بالبورن لكن الاحتياج العاطفي كان بيعذبنى لانى شخص رومانسي جدا. بعد سنين و سنين قابلت بنت اجنبية قمة في الجمال و الاخلاق . انا مراتى جميلة لدرجة انى لما اديت موبايلى للبياع عشان يشحنلى رصيد و شاف صورتها عن طريق الخطأ اتخض و رجع خطوة لورا و جسمة اترعش. و فعلاً اتجوزنا و بتعاملنى احسن معاملة و سبت البلد باللى فيها.

المشكلة انى اتعقدت نفسياً بجد بسبب الحرمان العاطفي و الجنسي طول فترة العشرينات. لسة باتفرج على البورن بنهم اكبر بكتير حتى من قبل الجواز و عندى اكتر من ١٠٠ جيجا قضيت الاف الساعات عشان اجمعهم و ارتبهم على الفرازة. طول الوقت باكل اى ست جميلة بعنايا و بتجيلى رغبة ملحة في انى لازم اخون مراتى و اعمل علاقات خارج الزواج. و فعلاً كلمت كذا واحدة و عملت فيديو سكس مع ستات كتير و كنت على وشك الخيانة الفعلية لكن اللى بيمنعنى كل مرة هو حبى الشديد لمراتى اللى مش مخليالى اى عذر لخيانتها. انا حالياً في الاربعينات لكن لسة عندى لهفة كانى مراهق.

انا على الطيف التوحدى و اكتشفت ان ده ممكن السبب في الهايبرسيكشواليتى اللى عندى بس السبب الاكبر هو الجرح النفسى بسبب الحرمان وانا في عز شبابى و عقدة الرفض. الاحتياج الاكبر اللى عندى هو احتياج عاطفى و الاحساس بالقبول. بحس انى بس عايز احس ان فى ست جميلة رضت تنام معايا من غير النوم نفسه اللى يعتبر خيانة فعلية