احنا عندنا في مصر ازمة حقيقية سببها الاساسي هو الدين، الاطفال بتتربي ان الجنس الاخر دا عيب نتكلم معاه او نختلط بيه، فبينشئ جيل معندوش اي فكرة عن التواصل مع الجنس الاخر، يعني ممكن تلاقي شاب ١٨ سنة ومكلمش بنت في حياته، مش ارتباط لا مكلمش اي بنت حتى من باب التواصل.

الموضوع دا متخلف فشخ وظالم وغبي لما تحس ان دايما فيه فجوة والجنسين مش فاهمين بعض، دا بيمثل تقريبا ٦٠ ل ٨٠ ٪؜ من المجتمع المصري والمدارس بالذات في الارياف.

ثقافة الحرمان بشعة وبتطلع ناس عندها فراغ عاطفي بشع، ناهيك عن الحرمان الجنسي.

طبعا احنا بنشوف تبعات المشكلة دي بعد كدا في المجتمع لما الناس دي تكبر، ونلاقي ثقافة الارتباط والجنس متدمرة تماما او شبه مش موجودة، طبعا الانفتاح التام بلا حدود مهواش حل بس الغلق التام والفصل في المدارس اسوأ بكتير .

ممكن تشيروا افكاركم او تحكوا خبراتكم في الموضوع دا.