من كذا سنة كان ليا صديقة كنا اصدقاء جداً و كان لينا عند بعض غلاوة مش طبيعيه و تقريباً هيا حكتلي عنها كل شئ ، كل شئ بالمعنى الحرفي, كل مدة أثناء علاقتنا لبعض كنت بلاحظ تلميحتها بأنها منجذبه ليا أكتر من الأول (كانت معجبه بيا قبل ما نكون صحاب) المهم أني كنت باخد دايماً الموضوع بهزار مع الوقت للأسف حصل الشئ اللي كنت قلقان من أنه يحصل ، في يوم إحنا بنتكلم في التلفون وسط الهزار بدأت تاخد الكلام في إتجاه جنسي بشكل قوي و أنها عايزه تجيلي (عايش لوحدي) و كلام شبه ده مش حابب اقوله و كل ده كأن في سياق هزار نسبياً فكنت بتضحك بدون ما أرد و أنا عارف اللي هيحصل ،و فعلاً بدأت تغير طريقتها من هزار لجد ، فالوقت ده أنا كنت ساكت لدرجة أن حسيت من نبرة صوتها أنها مرعوبة من سكوتي ده , بصوا أنا مفيش مشاعر من جوايا من ناحيتها تدعم الجنس بأي شكل من الأشكال غير الشهوة و دي حاجه بقدر اسيطر عليها بشكل معين, فأي علاقة بينا هكون بأذيها حتى لو هيا عارفه ده و أنا مكنتش عايز ده ، مكنتش عايزها تتأذي و مكنتش عايز علاقتنا تتأثر لأنها من المؤكد أنها تتأثر و ده أنا عارف من واقع مواقف و أحداث كتير مش مجرد حاجه عارفها ، المهم أني عرفتها ده و طريقتها كانت باينه أنها بتحاول توضح أنها متقبله ده و حصل الشئ اللي كنت عارف أنه هيحصل بعد كده و مش بلؤمها عليه و الشئ ده أنها بعدت مع الوقت . اللي مدايقني أني حاسس أني خسرت كل شئ تقريباً ، الفكرة أنا عارف أني مكنتش غلط وقتها و كمان كنت بعزها ، لكن برضوا مش معنى أنك تكون صح أنك متخسرش حاجه ممكن تكون صح و تخسر كل حاجه ، و ده شئ بضان