الحمدالله انا طالب فى القصر ، نعمة كبيرة جدا كتير يتمناها و الحمدلله الواحد بيشكر ربنا ، باختصار انا مش عايز احكم حكم مسبق بس اهو بفضفض و خلاص ، كلية طب رغم انى لو رجع بيا الاختيار بردو هختارها عشان هى افضل حل ، ولكن انا فى نفس الوقت مش سعيد تماما، راضى الحمدالله بس مرهق ذهنيا و نفسيا جدا ، ملحقتش اخد اجازة من ثانوية عامة لظروف معينة ، حصلى ضغط كبير جدا فى اول موديولين ، و مكنتش راسم العيشة دى تماما فى دماغى ، انا كنت شخص اجتماعى جدا فى المدرسة ، فى الكلية الناس كلها مش شبهى خالص يا نصهم معادلة سعودى يا نص تانى من الارياف * والله اتشرف بمعرفتهم و فوق دماغى بس هما طريقتهم مختلفة مش اكتر * ، مليش صحاب تماما ، مكفى عالكتاب دايما و مش عارف اخرج مع صحابى القدام ، طيب امال الى عايز يعيش حياته يعمل ايه طيب ، الحمدالله انا مش هقول انى شيخ او حاجة ، منتظم على الخمس فروض فى المسجد بفضل الله و الاذكار و ورد قرآنى بس مش مبسوط خالص فى الكلية و مش مصدق انى هكمل كدة ٥ سنين ، حجم المنهج مع الوقت مش منطقى خالص و مش قادر اعيش دوامة ثانوية عامة تانى بجد ، والله انا بقول كدة vent بس انما مش بقول حد يساعدنى لان معظمنا بيعانى من ده فعلا ، كلية بتاخد من صحتك و نفسيتك كتير ، الله المستعان