اهلا السلام عليكم. هحاول اختصر

​

انا دلوقتي19 سنة و بعيد سنة اوي

دخلت طب لاني طول عمري م شايفة مكان تاني غيره, لاني كنت اكتر حاجة ماشية فيها و حاباها هب العلم و البايولوجي بشكل خاص. و بصراحة محبتش اي كلية تانية غير علوم بس علوم في مصر اللي عرفته ان مالهاش مستقبل او مش مستقبل حلو اوي

المهم

جالي OCD في اولي ثانوي, و ابتدي يشتد اكثر مع السنين, مع ميكس لذيذ من الكورونا و خسارة الصحاب و الاكتئاب وال anxiety بالذات اني فقدت السوشيال لايف و اني كنت في ضغط IG, و التخن و اني عملت عملية تكميم لسة لحد دلوقتي تعباني جسديا و مرضيا, انا بقيت في حالة لا تحتمل

لدرجة اني مكنتش في معلومة راضية تخش دماغي. و فضلت كدا, لوحدي و محبوسة فالبيت مع اني عملت صحاب كتير, بس زي فثانوي, كل واحد كان في حاله و مشغول فالدراسة, و مكنتش بذاكر خالص

فا سقطت

و اديني بعيد, مع ان اهلي ادوني فرصة اني اغير كلية, بسبب الامراض اللي مش مخلياني متحملة المذاكرة, و الحياة الاجتماعية الكئيبة اللي فالكلية اللي هتزود الطين بله, لكني كملت و اللي كان كان

انا في طب عين شمس علي فكرة

اه صحيح, انا حد بيحب الفن و الشعر و الكتابة و القصص و الخيال و الثقافة و ان انا اعرف و اتعلم , انا اصلا بكتب شعر و روايات,و بحب الانمي و حاجات كتير يعني, فا فيا حتة كدا بتحب الحياة و الحرية, و هتقولولي شخصية زي دي مش نافعة مع طب, بس هي كانت نافعة, لحد ما لقيت حياتي الاجتماعية و العاطفية ساكنة مبتتحركش مهما حاولت اخش نشاطات و اتعرف علي ناس و اجدد, محدش عنده شغف يتبسط بالحياة, و لا بالصحاب و لا حتي الفن, محدش بيكلم حد, او محدش بيكلمني مهما بدأت كلام

طب انا عايزة ايه من البوست؟ مش عارفة, يمكن نفسي فحل, يمكن بفضفض و بشارك معاناتي, انا زي ما قلت لوحدي, مع اني شخص اجتماعي و في كذا نشاط فالكلية و اعرف بدا الشخص عشرة من كذا دفعة بس زي ما قلت كله في حاله و مبشوفش حد غير نادرا

نفسي ارجع دماغي شغالة كويس و بشغف في المذاكرة زي ايام ثانوي قبل الاكتئاب, نفسي احب المذاكرة, نفسي اقابل ناس شبهي و نبقي قريبين جدا, نتكلم كل يوم و لو مرة, يكونو بيحبو الفن و الشعر و المواضيع دي زيي, يحبو الفرحة و التجديد , نفسي الاقي حب و دفا مش جفاء

نفسي ارجع ابقي كويسة و قوية و مبسوطة فحياتي زي الاول , انا مفيش انسان واحد بعرف الجأ ليه في اوحش اوقاتي, صفر, مليش غير ربنا بتكلم معاه

نفسي انجح في الكلية, لان اهلي كدا كدا رافضين رفض تام انقل خلاص كدا فرصة نقلي ضاعت, كانت صعبة كدا كدا بس خلاص لازم اكمل

و انا بحب المجال, لكن نفسي اخف من الامراض اللي عندي و الاقي ناس و حياة و مبقاش كدا

ادعولي

​