So kahapon pumunta kami sa bahay ng favorite tito ko para mag celebrate ng birthday niya. So andun lahat ng member ng family. Mga 7 pm habang kumakain nag salita yung cousin ko na sobrang close ko na "Insan, tol thank you talaga sinagot mo yung venue para sa kasal namin nung December. Akala namin ni misis di matutuloy yung kasal." Narinig naman ng tita namin yung sinabi niya at nag sabi na "edi sagot mo na din pala yung venue ng kasal ni (name ng anak niya). May alam ako na venue na malaki at kakasya lahat ng bisita sa kasal." Madaming pa siyang sinabi na kesyo ganto kesyo ganyan na ako na daw bahala dapat daw dun sa magandang venue para bongga daw yung kasal. Wag daw dun sa venue na ginamit nung pinsan ko kasi masikip daw paano daw mga big time na ininvite niya. Naiinis ako sa sinasabi niya kasi nakita ko yung reaction ng pinsan ko at asawa niya na parang nahiya. Kaya sinagot ko siya "Teka lang, bat andami mo ng sinasabi tita? May sinabi ba akung sasagutin ko yang venue para sa kasal ng anak niyo? Na ako ang magbabayad? Wala naman akung sinabi." Nagalit si tita at sinabi na bat daw hindi eh pinsan ko naman daw yung ikakasal at sinagot ko nga daw yung venue ng isa kung pinsan. Sinabihan ko siya na kaya ko sinagot yung venue dahil malaki utang na loob ko dun sa mag asawa at medyo na gipit yung negosyo nila that time kaya sinagot ko na lang yung venue para makatulong. Pag tapos nun eh umalis nako kasama ng Kapatid ko at mama ko at nagpaalam sa tito ko.

Isa din sa reason bat ayaw kung tulungan anak niya eh nung panahon medyo wala pa kaming kaya. Lagi akung binubully ng pinsan ko na yun dahil mas matanda siya samin. At si tita naman masama ang ugali. Tipong pag bumibisita kami sa kanila nung bata kami ayaw kami papasukin sa bahay nila baka raw madumihan yung loob. Ngayon lang gumanda pakikitungo niyan nung nagkakapera na ako dahil isa ako sa sinuwerte nung nag boom ang axie at hanggan ngayon dahil sa crypto.

ABYG Kung ayaw ko sagutin ang venue sa kasal ng pinsan ko? Hindi naman siguro diba?